متجدد _ هناااااااك فى الركن البعيد الهادى ( مليون قصه )

السلام عليكم ورحمه الله وبركاته
يوميات فى مكان ماء !!!

( قدر الله ومشاء فعل ) وبعد عنا سنين وسهر الليالى ونظره حالمه لمستقبل عملى وافر يغير نمط العيش ويكون نقله جذريه من الضيق للسعه
جانا اتصال من اقصى الارض ( توجهو حالا الى مكتب الاشراف لتوفر وظيفه .. واذا تاخرتم عن بكره بتروح لغيركم ) طبعا من الفرحه جهزنا العفوش فى اقل من ساعه وقلنا يا الله ( فرجا منك )
ويم وصلنا ما لقينا هذيك المضاربه على المنصب وكل ما سألنا احد عن
ذاك المكان قال ( وش وداكم هناك .. والله لو كان نموت من الجوع )
قلت يا بنت جربى حظك وربى يعين وييسر الامور
اخذت ورقه المباشره (وبعد الاستعانه بقوقل .. ووفد من منظمه السياحه با المنطقه .. والبوصله ... والساعه الرمليه ) عرفنا المكان تصبرنا وقررت اخوض المغامره مهما كانت وغصه نا شبتنى لو احد يقول بسم الله كلته بسنونى بس عاد ( الامال والطموح وتغيير الحال والحياه الحالمه خلتنى اتحمل على نفسى )
الموووهم يا حبانى ....
اول يوم داومت طبعا نظاميه مع صلاه الصبح ... المكان خالى تماما
قلت يمكن نقلت المدرسه وقوقل خذلنى ها المره ؟؟؟
انتظرت الا وسياره من بعيد مقبله ( فرحت حسيت انىما تعديت الربع الخالى ... باقى فى الوطن )
نزلت صديقتى ونزلت وراها
قالت ... منين انتى
قلت انا معلمه جديده جايه من جده
قالت ... مانتى فى عقلك حد يخلى جده ويجى هنه لكن يساك ما يسا غيرك منتى يخته با حسن منا
قلت انتى من هنا ؟؟ قالت ... فياذا جل من هنه ماهو باين على
قلت الا بس متى تجى المديره ؟؟؟
قالت بعد بعد وراها مامن ضيع قبل ما تداوم لكن ( نحى ) الوكيله جات اعطيها اوراقك
دخلت وفينى خوف كانى باقابل (شجره الدر )
قالت يا الله حيها منين جيتى ؟؟ قلت من جده ّّ!!!! قالت ( ها خذلك من جده .. هيا امنعينى يقولون بنات جده متفتحات وما يستحين واحنا ما عندنا تيه الهروج ) حقدت عليها بس اكبت بنفسى قلت وين المديره ؟؟
قالت ... ايييييييه على عنها بروحى بدجى بدجى ذلحين اغدى قنبرى مع زميلاتك حتى دجى ؟؟..

حسيت نفسى ما لى داعى بينهم ابدا
فاغره فيهم ودى القط كلمه وحده على الاقل مو قادره
طبعا ريحه الغرفه يوميا
حنا ( ما يمديه يخلص الا تحنت مره ثانيه )( مره تقاطيع) واذا تلخبط عليها من الدويس ( خلته تماليش )
عطر من ابو طير والحبشوش المركز ( من عبد الصمد القرشى )
( شيال تكنس ممرات المدرسه ( ام حملوج

يوم ..
جيت ابكلم المدير فى توفير غرفه للمصادر التعليميه فى المدرسه
ما لقيت الا الوكيله قلت وين ابله ( ...)
قالت ( بدجى ) يعنى ستحظر الان
وجلست انتظرها بالاداره
الا هذى مرت من جانبى ودخلت حمام الاداره ( بقميص بيت وشرشف ابيض ولابسه بسطار )
!!!!!!!!!!!!! ما هذا
وشوى طلعت لابسه تنوره وبلوزه وشيله فوق راسها وقد غسلت وجهها
وجالسه تتنشف بطرف الشيله !!

طبعا كل علامات الذهول على وجهى واطالع فى الوكيله قلت هذى ( ....... ) قالت ايه هى
قلت وش فيها لابسه كذا ؟؟؟؟

قالت ( والله يا غلب عليها من عوالها فى البيت ماهو بحرمه على وجه الارض ... اذا شافت نفسها فاضيه قبل ما يجون ( سكون الحداد ) ( الموجهات ) تروح الوادى قريب من المدرسه ( تختلى للبقره ,, وتكنس ما تحتها ... وتلقمها وترجع ) قلت نعم !!!!

قالت ( وذا تعبى بعمرها والله يا عمتها لتخرجها من البيت )

طبعا جلست على المكتب واطالع فى ايديها ( كيلو وسخ تحت اظفارها ) قالت للفراشه ( تعالى صبى لى فنجال قهوه والله يا حزمه الشعير لبغت تخرق راسى ويا صداع بى )

قالت الوكيله لها ( المدرسه الحظريه تيه تبغاك رايحه وجايه من الصبح )
قلت لها انا مانى حظريه انا منكم وفيكم
قالت لا وربى قسم لو كنتى منا لتلبسين ذيه الشعر وتغدين ادميه زينا وتحيلين تيه الاصباغ فى وجهك والله لتكهلين وانتى بعد صغيره ترى المكاييج تيه تغير خلقتك
)
قلت ... بس احنا حريم مع بعض وما فيها شى لو تزينت شى بسيط
قلت المهم لو سمحتى ابغى اجيب ( الاب توب __ وجهاز العرض ( داتا شو) ودى اشرح للبنات عليه لان معظم دروسى محظره بهذا الشكل
قالت ..
( امنعينى من الافلام والاغانى والخلاعه فى المدرسه ) انتن يا بنات جده لو تمشى الوحده عاريه ما حسبت لاحد

قلت اى خلاعه واى افلام عيب لما تكلمينى با الشكل ذا وبعدين تعالى واحظرى وشوفى وش راح اعرض للبنات ( با العكس طريقه جديده )قالت انتى حره انا علمتك والله ليجون يستحبونك بتيه ( الشعفه ) فوق راسك مدرى متى يمديك ( تدحرجينها ) هنى عينك؟؟

صادف فى هذاك الاسبوع اليوم الوطنى
وكان عندى برامج وفلاشات للاحتفال بها المناسبه
طبعا سوينا حفل عادى وفى نهايه الحفل عرضت الفلاشات والانجازات با المدرسه
طبعا ما تتخيلو منظر البنات وربى بلا مبالغه

( تسعبل البنت وهى فاغره ما تدرى عن حالها )
( ولا ترمش لهم عين )

وصارو كل ما يشوفونى با الممرات ( الاستاده الى جابت التلفزون )
اليوم الثانى بعد الحفله
الا باب المدرسه الداخلى خبط عليه ( بهراوه ) تقولون قنابل وصياح شيبه ( وين المديره ... وينها ... خرجت وهى متغطيه وشكله يمون عليهم
ابشر يابو غرم الله وش تبغى )
قال ..
( اخرجى لى المدرسه الخواجيه الى جات من جده ؟؟؟ قالت ( هوه وذا لك بها )
قال ( على الطلاق لاكسر راسها با المشعاب )
تجى تعلم بناتنا الاغانى >>> يقصد الاناشيد الاسلاميه
وتوريهم رجا جيل فى التلفزيون ( ولاه الامر الله يحفظهم )
والا على الطلاق واجيب لها الهيئه ؟؟؟؟؟؟

طبعا انا ما اخفيكم مت من الخوف توقعت انو فعلا بيدخل يضربنى وربى ليجيب اجلى بهراوته وانا ورى الفراشه ارتعد
استجمعت قواى وقلت
انا اصلا الى راح اشكيك
انت داخل مدرسه بنات وعلى غير محارمك ولو ما تخرج اتصلت فى الشرطه
طبعا شكله خاف وخرج والمديره تقول ( ما قلت لك لا تجيبين تيه الخرابيط ( كان خليتى ( الفنك لاهله )

اليوم الثانى شكوى من مكتب الاشراف وجات لجنه تحقيق ( يا حبهم فى الشكاوى )
وقبل لا يبدون التحقيق معى طلبت منهم يشوفون العرض وبعدها يحكمون
طبعا شغلته وشافوه للاخر
واعتذرو على الى صار
وقالو انها اشياء ما تعودو عليها البنات ولا الاهالى ويبغا لهم وقت
واستأذنتهم اكمل دروسى بها الطريقه ومشى الحال
يتبع ....

 

عليك قصص

الله يعينك ويوفقك

عليك بالصبر والحكمه وضعي أمامك هدفك تحققينه

ودمتي في حفظ الله

 

التوقيع - ابو تالة

انتي رحتي من اجل تغييرهم فتغيرتي لان لهجة القصة مليئة بالديراويات
عموما كلام واقعي جدا وذكرتينا بالجن اللي بالرادي يوم بدأ البث

 

هههههههههههههههههههههههه المديرة تحفة

روعه روعه يا مليون قصة

الصراحه موقف لا تحسدين عليه ... بس اعجبني فيك ثباتك وقوتك


وبخصوص غرم الله ... فالبلد مليانه غرااااميم << ما ادري كذا جمع غرم الله ..

واصلي فنحن متابعين بلهفه نهاية ذلك الكابوس الذي سنخرج منه بفوائد كبيرة ...

 

سرد جميل ومفردات رائعة

ولكن ما بين السطور اتحفظ على بعضه .. وكأني بك صورتي القوم انهم
يعيشون في جهل مركب ، وانت من حاولت انتشالهم منه .. وجهة نظر ربما خانني التعبير .

لكن لا زلنا ننتظر باقي الفصول .

واصلي ابداعك ..

 

التوقيع - نجم سهيل

ابداع في السرد وجمال في استخدام الكلمات القديمة
ولكن لم تتضح الصورة
ما المغزى من القصة وما هو الهدف المنشود

 

قصة لا تبعد عن الواقع في بعض الاماكن (لم يحدد مكان الأحداث) مع أن زمانها ربما الآن....
لكن ملحها زايد مررررره وزيتها سمن عود (ابو شوكة وملعقة)..
ربما حدثت يوم كانت الشاعرة تقول
"من عاد الفلسطيني يسوي تواليت.... ويتعطر بماء الورد وأهله يشوفون"
ننتظر الباقي

 

قصه جميله وننتظر البقيه وتذكرت والله مديرة مدرسه ذهبت اليها في احدى القرى لتوزيع استبيان عليها وعلى المدرسات
وانصدمت لما دخلت الاداره ولقيت المديره تأكل تونه على المكتب ومن العلبه والله !!

تحيه لك

 

التوقيع - مناهل

ابو تاله
حياك الله
كانت مرحله وعدت بس لها حلاوتها وذكرياتها التى لا تنسى

تابع معانا الله يحفظك

 

البرادعى

هلا وغلا ورحب

انت ذكرتنى بمسلسل زمان ( انا البردعى يا رشدى )
عموما الاحداث كانت با الديره وانا اعتز وبقوه بلهجه المنطقه
وحلاتها وملحها تكون ديراويه قلبا وقالبا

 

مرحبلى مليون اخوى حمدان

اما الجمع والله ما اقدر افيدك انه كذا والا لا
لكن صدق على شا كلته الكثير ربى يحسن له الختام
والناس بطبيعتها زمان وصفاء سريرتها يمونون على بعض كثير

شرفنا تواجدك وتابع معانا لاخر القصص

 

نجم سهيل

حياك الله
القوم يا سيدى هم اهلى وعزوتى وتاج راسى
وانا ما صورت الا واقع ما زلنا نعايشه ونتعايش فيه
واذا كانت المدنيه والتطور انتشلت القله فالاغلبيه ما زالو يعيشون با البركه
وانا ما جيت للمكان هذا بمحض ارادتى ولكن حدنى عليه الشديد القوى اما الانتشال على حد تعبيرك اتمنى ذلك من كل قلبى
ولكن كسر الشوك فى يدى ( على قول اهل الديره ) الجهات العليا والاقتناع الكامل بعد التغيير
ولكن اعترف وبكل فخر لغيرت الكثير ونطلب الاجر من الله

اما التحفظ فنحن هنا فى ساحه الرأى ) تسعدنى وبكل صدر رحب مناقشه الجميع او التايييد او الرفض فاهلا بك وبا الجميع

 

صعبان ..

مرحبا الف
اشكرك على الاشاده بجمال السرد
الهدف يا سيدى مناقشه قضيه شائكه واحداث حدثت فى زمن معين يمثل معاناه الكثير
ولكن تغلفها روح الفكاهه وجمال المواقف ( بصدق ومصداقيه ) وربى يشهد على

 

شدا الاعلى
ياربى تحييه

القصه هى معاناه الاغلبيه ولكن نتصنع المثاليه سيدى ( مشى حالك حالك يمشى )

اضنها فى زمن ....

غطرفي ياحديا وانت ياذيب غنه
من تمنى لقانا بشره بالمجنه

اما الملح والسمن عود
ابعد عنه الله يسلمك اذا كان يؤثر على صحتك تراك غالى واشهر من علم فى رأسه نار




تشرفنا

 

مناهل

حيا الله الصقره
حلو انك لقيتيها تاكله فى ( الحق )فى نفس المكان ويشهد على الله لحطو التونه فى علبه جبنه ابو ولد ( كانها صحن ) وتتلحس زينت التونه من بين اصابعها تقولين ( عسل الضهيان لا سال ربه )
هههههههههههههههههههههه اسعدنى تواجدك يا قمر والجاى احلى

 

يا استاده اللي جبتي التلفزيون قصه فرجه واحنا في حرا الباقي

 

التوقيع - أكسجين

اوكسجين

ابشر يا خه يا حسفى نحانى ذبا اجمع افكارى على صير تطلع القصه فرجه

 

كا العاده والمفروض من مديرات المدارس يسوون اجتماع لتوزيع الاعمال وضبط نظام المدرسه
( مجمع كامل فيه ثلاثين طالبه فقط )
جات الفراشه من الصبح غرفه المعلمات قالت ( اعجلن المديره بتجتمع بكن قبل الفسحه )
ودخلنا الاداره وبدات با التهديد والوعيد والنصح والارشاد !!

(

الواحده تغدى حره وتاهب لبها من البنات اهن امانه فى رقابكنه وتخلى السهر عند التلفزون وتصحى كما الاناثى وتخلى الغياب الى ما ينفعها ..وقومى بشغلك ولا تخلين الشرهه تلحقك لا من صغير ولا كبير ..) وامنعننى من سكون الحداد تجى وحده منهن وتلقى عليكن كما مثقال الذره ( الموجهات )يدلبونهن فى الاداره هم جين كما الثيران النطاحه تنحدر فيك كن مال ابوها عندك
والبنات اماااااااااااااااااااانه لهيت منها الجبال ... كل واحده يا خواتى تجرب ببناتها وانحم والله ما جينا على تيه الكراسى الا حشمتهن !! وضلين اهرين فى البنات لا يوصخن الفصل ولا يقطفن الشجر ترى العلمه با المدرويى تجيب نتيجه
وكل وحده تعرف جدولها وتدخل حصتها من اولها ( حصه ... بضم الحاء )
قالت وانتى يا بله (..) فديت روحك يقول المثل ( من معاه عفاسه وراس عبا عباه الناس ) سيرك بسير زميلاتك وانسى جده وفنكها ان ربى ما بلاهم الا وهو بهم بصير !!!
انتهى الاجتمااااع ...
بدأ اليوم الدراسى اليوم الثانى با الطابور والسلام الملكى منظرهم روعه بساطه فى اللبس والشنط وكل شى

فى الطابور مره يطلعون الغا يبات من البنات وطبعا انهارت البنت من الخوف والمديره تهاوشها وتصرخ عليها وهى تبكى شوى الا المديره تمد يدها على شعر البنت وتنزلها ( كانها تخرج شىء ) وشو الا تقول الله يفشل امك هويه ما فلتك قبل لا تجين صاح الله عليها (
طبعا جتنى قشعريره من القمل وقلت للمديره ترى معدى والبنات قريبات من بعض وممكن يعدينا حتى حنا المدرسات
قالت والله ما عليك الخلاف وهن عشش فى جلودهن وما بيخرج لو تطلين الواحده بقطران ههههههههههه انا قد علمتك وقلت يساك ما يسانا قلت طيب ليه ما تبلغ الوحده الصحيه ويرسلون ممرضات توعيه با المدرسه ويوزعون ادوات نظافه شامبو خاص با القمل
قالت مره جو ووزعو عليهن لكن والله ما استخدمننه وانهن ... يرحين ..
مشينا الحال .... ما معى بصيره
وحنا فى خضم الحديث فى ساحه المدرسه ونقاشات حاده حول النظافه وريحه البنات قالت المديره
اخته .... خلى عنك الهروج والله لو تجلسين تحتين فى اذانهم ليل ونهار ما شى فايده
قلت طيب نقط حنا المدرسات ونشترى ادوات تنظيف ونسوى توعيه فى المدرسه !!
قالت وشن يقط !!!
والله عد شعورهن احلف دونهن من يوم توظفن ما شفن البطاقه ... الا فى جيوب الرجاجيل
ولو تموت الواحده ما هب لها ريال عن مصروفها المقونن !!
قلت طيب ليه ما يعتبرونها صدقه وانا مستعده اجيب كل شى !!
قالت يا حسفى ام المحى والله ان الصدقه تجوز فينا يا المدرسات مع ذولا البعوله !!!
اما يا حبيبتى قبل ما اجى انا مديره قبل... قبل
كانت فيه مصريه وتشوف ذل اهل القريه فى الماء وجات الوحده ووزعو شنبو حق القمل
وضاقت وحده من الامهات حن بنتها نظيفه !وجات اليوم الثانى كما ( غنم ربيعه ) تتخلط فى ارجولها
وادخلى على المصريه تمدد ذيك الايدى كنها ( دراج ) فوق الضعيفه ( ما قمله الا انتى .. ولا صوابه الا انتى ... يا ثومه . يا بصله .. يا ... يا ...) وغصبن فكين المصريه من شرها
عشان كذا عساهن ما يعودن وبعدين يخته ( يوم تحتشرين هى روسهن والا راسك )

واثنا الحديث الشيق حدث مصيبه فى غرفه المعلمات اعلمكم با حداثها ..........

 

يالله يا مليون قصة

والله إنك مبدعــــــة

بالرغم إن كثير مصطلحات ما فهمتها إلا من السياق

ومصطلحات ما فهمتها مرة :(





وضع مأساوي حقيقة

ألحين كيف بتكثفين التوعية للنظافة والثقافة الصحية في هذا المجتمع !!


متابعين بشغف

بس ع شان يكون الطرح جذاب للغالبية ,, حاولي تخففين من اللهجة العامية

أقصد لهجتهم , ع شان يفهمون الأعضاء


الله يسعدك , وسلمــــت يمينك






.

 

التوقيع - ندى الكادي

كن حامل حقيقة , لا تهاب الآخرين , فحامل الحقيقة لا يخشى إلا الله , وكن حراً في أفكارك وتوجهاتك ,واعمل بما تقول , ولا تكن عبداً إلا لخالقك .

يسلمو يا ندوا
ملاحظتك على عينى وراسى بس ما اتوقع غامدى او غامديه ما فهمو كلامى
وانا تكلمت بعين الحدث

والى ما فهمتيه يا عسل حطى تحته خط وابشرى من عيونى


شرفتى يا الغلا